ပြန်ကြားရေးနှင့်ပြည်သူ့ဆက်ဆံရေးဦးစီးဌာန တောင်ကြီးခရိုင် လူထုဗဟိုဌာန(Community Centre)တွင် သက်ကြွယ်တွေ့ဆုံပွဲ ကျင်းပ
ရှမ်းပြည်နယ်(တောင်ပိုင်း) ပြန်ကြားရေးနှင့်ပြည်သူ့ဆက်ဆံရေး ဦးစီးဌာန တောင်ကြီးခရိုင် လူထုအခြေပြု ဗဟိုဌာန (Community Centre)တွင် အောက်တိုဘာ(၇)ရက် မွန်းလွဲ နာရီ၂ ကသက်ကြွယ်တွေ့ဆုံပွဲ ကျင်းပကြောင်းသိရသည်။ တွေ့ဆုံပွဲတွင် ရှမ်းပြည်နယ်ဝန်ကြီးချုပ် ဦးအောင်ဇော်အေးက သက်ကြွယ်တွေ့ဆုံပွဲကို ကျင်းပ ဆောင်ရွက်ခြင်းသည် သက်ကြီးရွယ်အိုများ (သက်ကြွယ်များ)အိမ်ထဲတွင်သာနေရ၍ အသွားအလာ လှုပ်ရှားမှု မရှိ၊အထီးကျန် စိတ်အားငယ်မှု လျော့ပါးကင်းဝေးစေရန် ဖြစ်ပါကြောင်း၊ ငယ်ပေါင်း မိတ်ဆွေဟောင်းများနှင့် ပြန်လည် ဆုံစည်းနိုင်စေရန်၊ မိတ်ဆွေသစ်များ တိုးပွားရရှိနိုင်စေရန်၊ သက်ရှိထင်ရှား ရှိသူများ သတင်း ဖလှယ် နိုင်စေရန်၊ ရှေးဟောင်းနှောင်းဖြစ်များ ပြန်လည်သတိရ ပြောဆို စကားဝိုင်းဖွဲ့ခြင်းဖြင့် စိတ်ဖိစီးမှု ကင်းဝေး၍ လန်းဆန်း တက်ကြွစေရန် ရည်ရွယ်ချက်များနှင့် ကျင်းပခြင်းဖြစ်ပါကြောင်း၊ သက်ကြွယ်တွေ့ဆုံပွဲကို ပထမအကြိမ် (၄၈)ဦးနှင့် စတင်ကျင်းပခဲ့ပြီး ဒုတိယအကြိမ်တွင်(၅၀)ဦး၊ တတိယအကြိမ်ကို(၈၀)ဦး၊ စတုတ္ထအကြိမ်ကို(၁၀၀)ကျော်၊…
